Jump to Navigation
Forsíða ›

Fréttir

Söngvakeppnin 2009
Gleði og gaman
Hádegistónleikar í Lystigarðinum
Óskalagatónleikarnir í Akureyrarkirkju
Ráðhústorg
Dansað í vatnsbununni eins og í Mamma mia
Ball
Plötusnúðararnir ómótæðilegu á Dynheimaballi
Hlöðuball
Rósakeppni
kirkjutröppuhalup

Yfirbragð Verslunarmannahelgarinnar er mjúkt og elskulegt og við leggjum áherslu á að bæði bæjarbúar og gestir njóti lífsins og upplifi sanna Akureyrarstemmningu. Við byrjum á Kirkjutröppuhlaupi á föstudegi og endum á Sparitónleikum á sunnudagskvöld. Dagskráin verður fjölbreytt og skemmtileg; flottar hljómsveitir og fullt af skemmtiatriðum og á næstu dögum á margt eftir að bætast við.

Ótal margir hafa komið að undirbúningi hátíðarinnar og stærstu bakhjarlarnir eru Saga Capital, KEA, Norðlenska, Vífilfell og Kjarnafæði auk Akureyrarbæjar. Það er von okkar að helgin verði gleðileg, brosin mörg og minningarnar ljúfar.
 

Krakkarnir í skapandi sumarstörfum

Krakkarnir í skapandi sumarstörfum eiga eftir að setja sinn flotta svip á helgina með alls konar uppákomum. Þau mæta í leikina á leikhúsflötinni kl. 14.00 á laugardaginn, bjóða upp á andlistmálun fyrir krakka og faðma gesti og gangandi í anda þeirra sem eru með hjartað á réttum stað.

Mörg hundruð möffins ... og myndir eftir krakka

Flest bendir til að Lystigarðurinn verði fullur af möffins í hádeginu á laugardaginn. Skemmtileg stemmning hefur skapast og út um allan bæ eru mömmur að skiptast á uppskriftum, prófa og smakka. Frumsýningin verður svo eins og áður segir í hádeginu á laugardaginn.

...með hjartað á réttum stað.

Ein með öllu er ekki bara skemmtileg hátíð heldur líka einstaklega elskuleg. Árið 2008 voru sett hjörtu í umferðarljósin og í ár voru búnir til hjartafánar sem eru farnir að blakta víða um bæinn.

14 ára ball í Sjallanum, froðuball og 16 ára ball í KA heimilinu

Þrjú unglingaböll verða haldin um  helgina. Það fyrsta í Sjallanum á föstudagskvöldið þar sem plötusnúðurinn Micha Moor verður í aðalhlutverki. Ballið er frá 20.00 - 23.00 og er aldurstakmark 14 ár.

Barnaskemmtun í KA heimilinu

Það er rétt að vekja athygli á því að barnaskemmtunin sem verður á sunnudaginn kl. 17.00 verður í KA heimilinu, ekki í Íþróttahöllinni eins og stendur í prentaðri dagskrá. Meðal þeirra sem fram koma eru Latibær, Söngvaborg og Leikhópurinn vinir. Miðaverð kr.

Hjálmar kl. 23.00 á Græna hattinum, föstudag og laugardag

Það er rétt að vekja athygli á því að Hjálmar byrja að spila klukkan 23.00 á Græna hattinum og Bravó eftir að Sparitónleikunum og flugeldasýningu líkur.