...með hjartað á réttum stað.

Ein með öllu er ekki bara skemmtileg hátíð heldur líka einstaklega elskuleg. Árið 2008 voru sett hjörtu í umferðarljósin og í ár voru búnir til hjartafánar sem eru farnir að blakta víða um bæinn. Gísli Steinar Jóhannesson svifvængjaflugmaður flaug með fánann á flötinni fyrir framan leikhúsið í gær en þar verður heilmikið um að vera um helgina. Á laugardaginn verður stefnumót við Sveppa klukkan 14.00 og á sunnudagskvöldið verða þar Sparitónleikar sem eiga án efa eftir að gleðja viðtadda.