Upplýsingar

Það eru Vinir Akureyrar sem standa að Einni með öllu í samvinnu við Akureyrarstofu. Vinir Akureyrar er félag hagsmunaaðila í verslun og þjónustu og stærsti hluti kostnaðar er greiddur af fyrirtækjum í bænum, smáum og stórum sem vilja leggja sitt að mörkum til að búa til skemmtilega stemmingu í bænum. Bakhjarlar hátíðarinnar í ár eru KEA, Norðlenska, Vífilfell, Kjarnafæði og Saga Capital en alls eru það á annað hundrað fyrirtækja sem leggja í púkk og eru þannig beinir þátttakendur og stuðningsaðilar.

Forsvarsmenn félagsins eru Arinbjörn Þórarinsson veitingarmaður á Greifanum, Davíð Rúnar Gunnarsson framkvæmdastjóri Sjallans og Nýja bíós og Sveinn Rafnsson veitingamaður á Vélsmiðjunni. Þeir sjá um alla framkvæmd ásamt Halldóri Óla Kjartanssyni verslunarmanni, Huldu Sif Hermannsdóttur Akureyrarstofu og Margréti Blöndal sem er framkvæmdastjóri Einnar með öllu.

Nánari upplýsingar:

Margrét Blöndal S: 898-1371
margretb@islandia.is

Halldór Óli kjartansson 849-5973
halldor@sjallinn.is